Posted by 
من و تۆ : دڵی_ڕۆژههڵاتدوو خه‌یاڵی ته‌واو نه‌کراوین
تۆ،
جوانترین ماچی به سه‌ر لێوه‌مه‌وه
درێژتیرین قه‌سیده‌ی به سه‌ر زمانمه‌وه
جوانترین نیگای له نێو دیه‌مه‌وه
ئه‌ی میلی کاتژمێری ته‌مه‌نم
تۆ ئه‌و خۆره‌ی که ئاوا نابیت
له نێو خه‌یاڵـما جوانرین کۆشکی
که لێته‌وه ده‌رووانم بۆ شه‌پۆله‌کانی ده‌ریا و
من ئاوێزانی ئه‌و گریانه ده‌که‌ی
که له ماچێک که‌وتنه خواره‌وه
دوو گوڵ له نێو یه‌ک گوڵدان دا
دیلی دوو خه‌یاڵن
که ئازادیش ناتوانێ دیلیان بکا
دوو باڵێن له سه‌ر فڕێنی پشتی نه‌وڕه‌سێکا
دوو دێڕین له قه‌سیده‌یه‌کی نه‌نووسراو
من خه‌ون به‌و ڕۆژانه‌وه ده‌بینم
که له ماڵی تۆ سه‌رخه‌وێ بشکێنم
تۆ خه‌ون به‌و رۆژانه‌وه ده‌بین
که له ژیر ساباتێکا
یه‌کتری بنووسینه‌وه
تۆ خه‌یاڵ ده‌که‌ی له سه‌ر زمانت دیل بم
من خه‌یاڵ ده‌که‌م
له نێوچاوتا ماڵێک به زمانی عیشق
بینا بکه‌ین.
من و تۆ
دوو خه‌یاڵی ته‌واو نه‌کراوین.
#سلێمانیی ۲۱/۱۱/۲۰۱۹
#دڵی_ڕۆژهه‌ڵات